Færslusafn fyrir flokkinn: Bolungarvík

Bolungarvík 1968

Bolungarvík 1954

Þessi mynd er tekin sumarið 1954 í fjörunni fyrir framan beitningarskúrinn hans Jóns Ásgeirs í Bolungarvík. Á myndinni eru frá vinstri Steingrímur bróðir (1950-2005), Greta Björk Jóhannesdóttir, Guðbjörg Jóhannsdóttir, Jóhann Kristjónsson og Linda Rós Kristjónsdóttir. Myndin er lituð.

Elsa Friðriksdóttir og Lína Dalrós

Hér er mynd Elsu Friðriksdóttur og Línu Dalrós. Þær standa við leiði Jóhanns Sigurðssonar í Hólskirkjugarði Bolungarvík. Myndin er tekin árið 1963.

Þorrablót í Bolungarvík 1992

Ómar heimsækir Línu Dalrós 1992

Árið 1992 tók Ómar Ragnarsson viðtal við Línu Dalrós.

Minningargjöf um Gísla Jónsson föður Línu

Víkarinn: Sjá frétt frá 19.júní 2013

Listakonan Anny Hjartardóttir hefur gefið Bolungarvíkurkaupstað eitt verka sinna sem er útskorið verk af Ósvör. Anny er dóttir Hjartar Gíslasonar sem var bróðir Línu Dalrósar en verkið gefur Anny til minningar um afa sinn, Gísla Jónsson „Skálda“. Myndin er einkar fagur djúpskurður af verstöðinni Ósvör og er verkið skorið í maghony við.

Það var Sigurður Gíslason á Hóli og Guðbjörg Jóhannsdóttir (dóttir Línu Dalrósar), fyrir hönd Annyar Hjartardóttur, sem færðu Elíasi Jónatanssyni bæjarstjóra gjöfinu og var meðfylgjandi mynd tekin við það tækifæri.

Anny Hjartardóttir hefur gefið Bolungarvíkurkaupstað eitt verka sinna sem er útskorið verk af Ósvör.(Ljósmynd Vikari.is)

Bernskudagar æskusaga Óskars í Sunnubúðinni er nú komin í verslanir

FRÁ ÓSKARI JÓHANNSSYNI

„Eins og á þessari bók má sjá, hef ég skráð endurminningar frá barnæsku minni.
Megin tilgangur þess, er að láta í ljós þakklæti til forsjónarinnar, frá okkur öllum tíu systkinunum, fyrir að hafa gefið okkur kost á að njóta ástar og umhyggju einstakrar hetju, sem móðir okkar, Lína Dalrós Gísladóttir var.
Einnig ber mér sérstaklega að þakka Guðrúnu föðursystir okkar, allt sem hún gerði fyrir mig.

Frásögn þessi nær til ársins 1943, þegar ég var fimmtán ára. Þá urðu kaflaskipti, er ég hóf störf í matvöruverslun, og árið 1951, gerðist ég einn af “Kaupmönnunum á horninu”, til ársins 1982, frá því að tæplega 200 matvöruverslanir þjónuðu íbúum Reykjavíkur, og þar til að eigendur þeirra lentu, “Á milli steins og sleggju í pólitískum Hráskinnaleik stjórnvalda, og nauðungarvinnu fyrir Vísitölufjölskylduna, sem þá var búin að éta flest allar kaupmanna- fjölskyldurnar út á Gaddinn”.
Ég bauð mig aldrei fram til fálagsstarfa fyrir kaupmenn, hef aldrei þegið laun fyrir þau, en lenti samt í áraraðir á kaf í þeirri vonlausu baráttu. Það er mikil ósögð, og ótrúleg saga, sem ég hef aflað mikilla gagna um, og vonast til að geta komið á framfæri á næsta ári.“ (ÓJ)

Úr ritdómi í Pressunni:

„Bernskudagar er prýðilega skrifuð bók og erfitt að leggja hana frá sér. Hún segir harmræna sögu af fátæku fólki, basli þess, brauðstriti og nöturlegum aðstæðum íslenskrar alþýðu frá byrjun 20. aldarinnar og fram á miðja öldina.“